O CCA achegará unha proposta pensada para converter as rúas da vila nun espazo de encontro, emoción e solidariedade. Grazas á colaboración de empresas locais, asociacións e entidades públicas, a entidade apostará pola dinamización comercial e a creación de momentos compartidos en familia, reforzando o valor do comercio de proximidade como motor de vida e identidade comunitaria.
O arranque oficial do Nadal contará un ano máis coa esperada Globoteca do CCA, que se iluminará o día 5, coincidindo co acendido do alumeado municipal. E farao cunha posta en escena chea de luz e fantasía grazas ao patrocinio un ano máis da empresa carballesa Vázquez y Reino.
