O CCA Carballo recupera este verán a campaña “O Prezo Xusto”, adaptándoa ao formato dixital a través de Instagram para dinamizar o comercio local e premiar a fidelidade dos clientes.
Durante todo o mes de xullo, cada luns publicarase un escaparate virtual con 12 produtos dos establecementos asociados. As persoas participantes deberán adiviñar o prezo total do escaparate antes das 20.00 horas do venres. Ese mesmo día, ás 21.00 horas, revelarase o importe correcto e anunciarase a persoa gañadora.
Ao longo da campaña entregaranse catro cheques agasallo de 50 euros (200 euros en premios) para gastar nos comercios asociados ao CCA.
Como participar:
- Seguir a conta de Instagram do CCA Carballo.
- Dar “gústame” á publicación da semana.
- Etiquetar a unha persoa nos comentarios.
- Escribir a proposta co prezo total do escaparate.
Para recoller o premio será necesario presentar dous tickets de compra realizados en establecementos asociados ao CCA durante a mesma semana da participación.
Con esta iniciativa, o CCA Carballo combina entretemento, presenza nas redes sociais e apoio ao comercio de proximidade, incentivando as compras locais cunha proposta divertida e participativa.
