Do 12 ao 22 de marzo, 49 establecementos asociados ao CCA participan na campaña do #DíadoPai para premiar a fidelidade da clientela e, ao mesmo tempo, promover as compras no comercio de proximidade.
Polas compras realizadas durante o período da campaña, as persoas consumidoras recibirán papeletas para participar no sorteo de catro cheques de 50 euros, que poderán gastar posteriormente en calquera dos comercios asociados ao Centro Comercial Aberto de Carballo. O sorteo celebrarase o martes 24, ás 14.00 horas, e poderá seguirse en directo a través da conta de Instagram do CCA, permitindo así que toda a clientela coñeza en tempo real o desenvolvemento do proceso e a identidade das persoas gañadoras.
