Se queres convertir as compras do regreso ás aulas nunha oportunidade para xogar e conseguir premios, no CCA Carballo é moi doado.

Do 17 de agosto ao 18 de setembro, por cada compra ou servizo realizado nos 22 establecementos participantes, recibirás un vale de participación que deberás conservar xunto ao ticket de compra, correctamente grampado ou selado polo comercio e coa data correspondente.

O vale permitirá participar no gran xogo de parellas, que se celebrará a pé de rúa na **Praza do Concello os venres 4 e 18 de setembro, de 17:00 a 20:00 horas. Cada participante terá cinco intentos para descubrir as cinco parellas agochadas na estrutura do xogo.

• 3 parellas: premio de consolación.
• 4 parellas: agasallo ou experiencia directa.
• 5 parellas (pleno): cheque-compra de 50 € e participación no sorteo de cinco tabletas de 10”.

Para garantir a participación do maior número de persoas, só se poderá utilizar un vale por persoa en cada quenda. As persoas que teñan máis vales poderán volver xogar, pero deberán agardar á seguinte quenda.

O venres 25 de setembro, ás 21:00 horas, realizarase en directo a través do Instagram do CCA Carballo o sorteo das cinco tabletas entre todas as persoas que conseguiran o pleno.

Unha campaña para facer da volta ao cole un momento divertido, premiar a fidelidade e poñer en valor o comercio local.

* En caso de choiva, a actividade trasladarase ao Mercado Municipal.