51 establecementos do CCA participarán na campaña “Namórate do teu comercio” para convidar á veciñanza a celebrar o Día dos Namorados apostando polo consumo de proximidade, e premiando cada compra realizada nos locais adheridos. Así, cada ticket de compra vinculada á campaña levará grampado (ou selado) un vale, que permitirá participar no xogo que se celebrará o domingo 22 de febreiro, coincidindo coa xornada de feira, na Praza do Concello.