O próximo 4 de xaneiro, de 17:00 a 19:00 horas, o segundo andar do Mercado Municipal converterase nun espazo de aprendizaxe e creatividade grazas ao Obradoiro de reciclaxe de plástico e concienciación ambiental, unha actividade organizada polo CCA Carballo e patrocinada por Metalúrgica BB.

Este obradoiro, impartido pola asociación Íntegro das persoas con diversidade funcional da Costa da Morte e dirixido a nenos e nenas de 3 a 12 anos, busca fomentar o respecto polo medio ambiente dunha forma lúdica e educativa, promovendo valores de inclusión e diversidade. Para un mellor desenvolvemento da actividade, ao longo da tarde realizaranse tres sesións, dun máximo de 20 nenos/as cada unha. En total, serán 60 participantes que non precisarán inscrición previa. As quendas estableceranse por orde de chegada.

As actividades programadas incluirán:

• Taller de separación de residuos plásticos, para aprender a clasificar o lixo dun xeito práctico e divertido.
• Creación de orugas reutilizando plásticos, estimulando a creatividade e a reutilización de materiais.
• Demostración do proceso de inxección de plásticos, cunha experiencia única na que os pequenos poderán observar como se transforman os plásticos en útiles mosquetóns reciclados.

Como recordo deste día tan especial, cada participante levará como agasallo unha oruga e un mosquetón creados durante o taller, unha forma única de reflexionar sobre a importancia da reciclaxe e da preservación do noso planeta.

Desde o CCA Carballo, convidamos a todas as familias a participar desta iniciativa, pensada para divertir aos máis pequenos/as da casa mentres aprenden a coidar o medio ambiente.

Non perdades a oportunidade de comezar o ano co compromiso de coidar noso planeta. Boas festas!