O CCA Carballo sae á rúa coa segunda edición de «A voltas co cole», unha divertida actividade baseada no clásico xogo de parellas que terá lugar na **Praza do Concello os venres 4 e 18 de setembro, de 17:00 a 20:00 horas.
As persoas participantes, presentando o vale obtido nos 22 comercios adheridos á campaña, entre o 17 de agosto e o 18 de setembro, terán cinco intentos para descubrir as parellas agochadas nunha gran estrutura de coordenadas. Segundo os acertos, poderán conseguir premios directos e, quen logre o pleno, levará un cheque-compra de 50 € e entrará no sorteo final de cinco tabletas de 10”, que se realizará o venres 25, ás 21h, e será retransmitido en directo a través do Ig do CCA.
Unha proposta para gozar en familia, xogar na rúa e poñer a proba a memoria mentres se apoia o comercio local.
**En caso de choiva, o xogo trasladarase á primeira planta do Mercado Municipal.
