A gran xornada de “Que rule, que rule!” celebrarase o sábado 6 de xuño na Praza do Concello de Carballo, en horario de 11.00 a 14.00 e de 17.00 a 21.00 horas.

Ao longo do día, a ruleta de premios do CCA Carballo repartirá máis de 1.500 agasallos directos entre as persoas participantes. Para participar será necesario presentar os boletos obtidos polas compras realizadas nos 61 comercios adheridos á campaña. Por motivos organizativos, cada persoa poderá realizar un máximo de tres tiradas consecutivas.

Entre os premios previstos figuran ceas, almorzos, experiencias de benestar, clases de surf, estancias en glamping, produtos gourmet, artigos de agasallo, doces, xeados artesáns, vales de compra e outras sorpresas. E, quen non obteña premio directo, poderá participar no sorteo final de catro cheques de 100€.

En caso de choiva, a actividade trasladarase ao mercado municipal.