Por primeira vez na historia do Centro Comercial Aberto unha muller preside a entidade
O pasado mércores 9 de abril, o restaurante Albaroque acolleu as asembleas ordinaria e extraordinaria de socios do Centro Comercial Aberto (CCA) de Carballo. A xuntanza xeral ordinaria deu comezo ás 21:00 horas, en segunda convocatoria, co obxectivo de presentar o estado de contas correspondente ao exercicio 2024, así como a memoria de actividades realizadas e a planificación prevista para o ano 2025.
Unha vez rematada esta sesión, procedeuse á celebración da asemblea xeral extraordinaria, centrada na elección da nova presidencia e a constitución da Xunta Directiva. Con tres candidaturas presentadas, os máis de trinta socios asistentes exerceron o seu dereito a voto. Como resultado da votación, foi elixida -por primeira vez na historia da entidade- unha muller presidenta: Silvana Rama Corral, que obtivo 14 votos, e que xa formaba parte do anterior grupo directivo como secretaria da asociación.
Nos días posteriores conformouse o novo equipo, que queda constituído do seguinte xeito:
• Presidenta: Silvana Rama Corral (Akira Moda)
• Secretario: Sergio Soneira Fernández (Buy&Sell)
Vogais:
• María Alonso Bardanca (Teirón)
• Belén Porteiro Mallo (Lencería Mª José)
• Otilia Fornís Molinos (Informática Valem)
• Raquel González Rodríguez (Terra Patagonia)
• Carlos Cousillas Mosquera (Florida Centro Joya)
Xerente: Yolanda Antelo Cameán
