O presidente do CCA, Carlos Cousillas, fixo entrega esta mesma semana de tres cheques por valor de 50 € cada un ás gañadoras da campaña levada a cabo este verán nas nosas redes sociais #OProdutoEstreladoVerán, unha acción encamiñada a incentivar, por unha banda, o consumo nos comercios locais durante a temporada estival, premiando a fidelidade e o compromiso da cidadanía co comercio de proximidade, e, pola outra, promover a interacción cos consumidores/as descubrindo cales son os seus gustos e preferencias e compartíndoas a través das plataformas dixitais.

Neste sentido, cabe destacar a ampla variedade de produtos seleccionados polos consumidores e que van desde artigos de roupa (téxtil, calzado….) ata produtos de puericultura, libros ou servizos relacionados coa saúde e o benestar como tratamentos de beleza ou masaxes.

Desde o CCA Carballo queremos agradecer unha vez máis a participación e boa acollida que tivo esta campaña entre os consumidores/as como proba, unha vez máis, da confianza depositada no comercio local e no consumo de produtos de proximidade.

As premiadas, todas residentes en Carballo, son:  Elismar Rebeca Martínez Betancourt, Laura Gómez Pensado e Yeni Piñeiro Sánchez. Parabéns ás tres!