Os premiados, residentes en Carballo, recibiron de mans do presidente da entidade cadanseu vale para consumir nos máis de noventa establecementos adheridos

O presidente do CCA, Carlos Cousillas, fixo entrega esta mesma mañá de tres cheques, valorados en 100 € cada un, aos gañadores da campaña posta en marcha hai uns días con motivo da celebración do Día do Pai, unha acción encamiñada a premiar, unha vez máis,  a fidelidade e o compromiso dos consumidores/as que apostaron polo comercio de proximidade para esta data tan especial.

Desde o pasado día 12, trinta e tres establecementos do CCA repartiron preto de 6.000 papeletas entre os clientes/as que se achegaron a mercar un agasallo para conmemorar este día. E non era para menos, porque hai milleiros de razóns para celebrar e regalar! Os/as consumidores contaron cunha ampla variedade de produtos e sectores para elixir o seu regalo entre téxtil, calzado, deporte, complementos, informática, doces, beleza, libros…

Os premiados/as, residentes en Carballo, son: Fabián Periscal Rodríguez, Lorena Pose Seoane e Sonia Molk Caamaño. Parabéns aos tres e a desfrutar do premio mercando nos comercios adheridos ao CCA.

Desde o Centro Comercial Aberto de Carballo queremos agradecer, unha vez máis, a participación e boa acollida que tivo esta campaña entre os consumidores/as como mostra da confianza depositada no comercio local e no consumo de produtos de proximidade. E as persoas que non resultaron afortunadas, lembren que terán unha nova oportunidade na campaña do Día da Nai, da que só podemos adiantar que chegará tamén cargada de premios e novidades. Vémonos moi pronto nos nosos comercios!