O acordo, que terá unha duración dun ano, busca ofrecer solucións eficientes e adaptadas para o aforro enerxético

O Centro Comercial Aberto (CCA) de Carballo e a compañía de enerxía eléctrica bualá veñen de asinar un acordo de colaboración que permitirá ás empresas e autónomos/as asociados ao CCA beneficiarse de servizos especializados de subministración eléctrica e optimización de tarifas e custos por consumo eléctrico. Este convenio busca ofrecer solucións eficientes e adaptadas para o aforro enerxético.

O acordo, que entrou en vigor este mes de decembro, terá unha duración inicial dun ano, renovándose automaticamente. No marco desta colaboración, o CCA comprométese a difundir entre os seus asociados as vantaxes do acordo, mentres que bualá participará activamente nas iniciativas do CCA, incluíndo unha achega económica de 100 euros para a campaña de Nadal deste ano.

Ambas entidades manterán un diálogo constante para avaliar os resultados e garantir o éxito das medidas implementadas. Con esta sinerxía, o CCA Carballo e bualá reafirman o seu compromiso co comercio local, impulsando solucións sustentables e competitivas para o tecido empresarial da zona.

Bualá é a primeira comercializadora eléctrica da provincia da Coruña 100% verde e pensada por e para as PYMES capaz de ofrecer proximidade e coñecemento domercado local, compromiso coa comunidade no desenvolvemento de enerxías renovables e apoio ás iniciativas locais e rapidez na resposta ante calquera incidencia ou necesidade que xurda.