Durante o mes de maio o CCA Carballo será coprotagonista desta campaña programada pola Dirección Xeral de Comercio
Esta campaña busca impulsar as vendas do comercio de proximidade premiando a confianza dos seus clientes. As persoas que merquen nos comercios asociados a este centro comercial aberto recibirán durante todo o mes un cupón por cada 5 € de compra, o que lles permitirá participar nun xogo en liña na web www.maisquecomercio.com. Nesta páxina, votando ao seu establecemento favorito, poderán optar a un total de 17 tarxetas regalo para mercar no comercio local que van desde os 200 aos 20 euros. Ao remate do mes, o establecemento seleccionado polos clientes que participen na iniciativa recibirá un recoñecemento público ao seu labor.
