Situado no centro de Carballo, Pementa Rosa é un restaurante que leva máis de trece anos conquistando aos seus clientes cunha proposta gastronómica que combina tradición, creatividade e produto de proximidade.

Á fronte dos fogóns atópase Rocío Martínez, quen elabora unha cociña actual de base tradicional, inspirada na gastronomía galega e nos sabores da Costa da Morte, incorporando sutís toques de fusión.

A súa aposta polos produtos frescos, de mercado e de tempada reflíctese en cada prato, elaborado con mimo e atención ao detalle.

A oferta gastronómica inclúe servizo á carta e un menú degustación, pensado para descubrir a esencia da súa cociña a través dunha selección de elaboracións que cambian ao ritmo das estacións. A experiencia complétase cunha coidada selección de viños, da que se encarga Rubén García, responsable da vinoteca.

O traballo e a constancia do equipo víronse recoñecidos tanto pola fidelidade dos seus clientes como pola Guía Michelin, que lle concede desde hai varios anos a distinción Bib Gourmand, un selo que destaca os restaurantes cunha excelente relación calidade-prezo.

Recentemente, o restaurante inaugurou un salón totalmente reformado, un espazo moderno, acolledor e pensado para que cada visita sexa unha experiencia agradable. Ademais, dispón dun comedor privado, ideal para reunións familiares, celebracións ou encontros de empresa.

En Pementa Rosa, cada prato conta unha historia na que o produto galego é sempre o gran protagonista.