Refugallo Zero xorde en 2021 dunha preocupación real por levar un estilo de vida máis sostible e da vontade de achegar á veciñanza unha alternativa de consumo responsable e respectuosa co medio ambiente, apostando por un modelo baseado na redución de residuos, especialmente do consumo de plásticos, ofrecendo produtos eco sostibles para o fogar e o coidado persoal, entre os que destacan artigos de limpeza para o fogar a granel, como deterxentes e suavizantes, así como outros de hixiene persoal envasados, seleccionados polo seu baixo impacto ambiental.
A súa oferta inclúe xabróns artesanais, champús, xeles, desodorantes, produtos de limpeza facial, así como artigos de hixiene persoal como cepillos, peites e manoplas, apostando sempre por opcións máis naturais, saudables e respectuosas co medio ambiente.
A filosofía de Refugallo Zero céntrase en promover un consumo consciente e responsable, facilitando pequenos cambios no día a día que contribúan a coidar do planeta, sen renunciar á calidade nin á proximidade co cliente.
