Especializado en lencería e roupa para bebés, nenos/as e adultos, así como en artigos de mercería. En mans xa da 3ª xeración, segue destacando polo seu compromiso co cliente, ofrecendo asesoramento personalizado e acompañando a cada persoa ata atopar o produto que mellor se adapte ás súas necesidades.

A súa oferta inclúe pixamas, batas, roupa interior, camisetas, calcetíns, leotardos e medias para nenos/as e adultos, así como zapatillas para adultos. Dispoñen de lencería de todos os estilos e tallaxes, sendo especialistas en tallas especiais de suxeitadores. Ademais, dispoñen de roupa exterior como polos, leggings, roupa de baño e vestidos de verán para todas as idades.

Para o ámbito escolar, ofrecen mandilóns escolares para nenos e adultos, mochilas, bolsas de merenda e manteis, cun servizo de bordado personalizado. Para bebés, contan con bodies, peleles, patucos e vestidos, combinando comodidade, calidade e deseño.

Na sección de mercería, poderás atopar artigos de costura en xeral, así como materiais e accesorios para o Entroido.